Konteksta

Raha ny zava-misy niainantsika nandritra ny taona maro teto amin’ny firenena no asian-teny fohy, ny fivelaran’ny asan’ny Fiangonana amin’ny faritra maro manerana ny nosy dia maneho fa tsy vitsy ireo programa Fitoriana ny Filazantsara (Tafika Masina, Famangiana samihafa, sns.) izay notanterahin’ny ankamaroan’ny Fiangonana.  Mandrakariva dia sokajin’olona vitsivitsy no lohalaharana mandeha manao ny asa amin’izany : ny Pastora sy ny Evanjelisitra ary ny Mpiandry. Taona vitsivitsy anefa izay, dia nisy fiovam-penitra goavana teo amin’ny Fiangonana, dia tamin’ny nampatsiahivana sy ny nanentanana ny Fiangonana tsirairay isan-toerana fa ny asa Fitoriana ny Filazantsara dia tena andraikitry ny Kristiana tsirairay, isam-batan’olona tokoa, fa tsy natokana ho an’ireo sokajin’olona vitsivitsy voatanisa eo ambony ihany.

Na eo aza izany fivelarana arahim-piovam-penitra mahafinaritra izany, dia hita ho misedra olana maro samihafa ny Fiangonana amin’ireo saha vaovao maro iasany; tsy mahagaga izany satria ady amin’ny ‘maizina’ no atrehina; ao anatin’izany dia olana lehibe roa karazana no mandrakariva asongadin’ireo mpandinika ny fiainan’ny Fiangonana :